Tragjedia me 59 të vdekur në RMV, raportohet se pas tensioneve familjarët po lejojnë t’u bëhet autopsia viktimave

Familjarët vazhdojnë të qëndrojnë në oborrin e Spitalit në Koçan dhe tani gjendja është më e qetësuar se më herët, pasi që, me herët familjarët shkaktuan një situatë të tensionuar, duke kërkuar që të afërmit e tyre (viktimat) të mos dërgohen për obduksion, shkruan Alsat.

Tashmë, ata janë marrë vesh me institucionet përkatëse, dhe po lejojnë dërgimin e trupave për autopsi, derisa ende po qëndrojnë në oborr të spitalit për të marrë informata të detajuara.

“Më herët gjendja ishte shumë e tensionuar nga familjarët të cilët nuk lejonin që të afërmit e tyre të dërgohen në obduksion, mirëpo tash situate është qetësuar, dhe tashmë janë dakorduar që viktimat të merren për obduksion. Familjarët më herët edhe kanë tentuar ta bllokojnë rrugën që mos t’i lejojnë t’i dërgojnë viktimat”, raporton gazetari i Alsat, Avni Tahiri./ Alsat.mk