Presidenti i SHBA-ve, Donald Trump, ka njoftuar se vendi i tij po ndërpret fondet për Organizatën Botërore të Shëndetësisë (OBSH) në mes të pandemisë së koronavirusit.
Presidenti Donald Trump dje në një konferencë për shtyp kërcënoi organizatën botërore të shëndetësisë me shkurtim fondesh pasi sipas tij, ajo është përqëndruar tek Kina dhe nuk i ka dhënë këshillimin e duhur uashingtonit në përballimin e emergjencës.
“Organizata Botërore e Shëndetësisë përfiton shumë para nga SHBA dhe ata në fakt kritikuan e nuk ishin dakort me kufizimet në udhëtim që vendosa. Ata kanë gabuar edhe për shumë gjëra e informacionë më herët, duket se janë kinacentrikë. Ne duhet t’i rishikojmë edhe njëherë fondet që merr organizata. Ata i quajtën të gabuara masat ndërkohë që tani jemi në mes të një emergjence të tmerrshme kombëtare”, tha Trump.
Më shumë se 400 mijë persona në të 50 shtetet janë infektuar ndërsa numri i përgjithshëm i viktimave është rreth 13 mijë, 4 mijë prej tyre vetëm në Neë York.
