Presidenti i SHBA-ve, Donald Trump vuri veton ndaj një plani izraelit ditët e fundit për të vrarë udhëheqësin suprem të Iranit, Ajatollah Ali Khamenei, i kanë thënë Reuters dy zyrtarë amerikanë.
Sipas mediave të huaja, një nga burimet tha: “A kanë vrarë iranianët ndonjë amerikan ende? Jo. Derisa ta bëjnë këtë, nuk po flasim fare për ndjekje të udhëheqjes politike.”
Kush është udhëheqësi suprem i Iranit?
Udhëheqësi suprem i Iranit, Ajatollah Ali Khamenei, shërben si komandant i përgjithshëm i forcave të armatosura dhe kontrollon Gardën Revolucionare.
Ai ka fjalën e fundit për të gjitha politikat kryesore në vend, raporton A2 CNN.
Nga ana tjetër, kryeministri izraelit, Benjamin Netanyahu ka mohuar planet për të vrarë udhëheqësin suprem të Iranit.
Në një intervistë me Bret Baier të Fox News, udhëheqësi izraelit tha: “Ka kaq shumë raportime të rreme për biseda që nuk kanë ndodhur kurrë dhe unë nuk do të hyj në këtë temë.
“Por mund t’ju them se mendoj se bëjmë atë që duhet të bëjmë, do të bëjmë atë që duhet të bëjmë. Dhe mendoj se Shtetet e Bashkuara e dinë se çfarë është e mirë për Shtetet e Bashkuara”, tha ai, shkruan A2 CNN.
Ai tha gjithashtu se sulmet do të përfundojnë “kur të heqim” aftësitë bërthamore të Iranit.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…