Detaje të reja dhe pamje janë zbuluar nga arratisja e bujshme spektakolare e ndodhur nga burgu i sigurisë së lartë në Izrael e 6 pjesëtarëve të grupeve militante palestineze.
Në një mënyrë të ngjashme si në filmin e famshëm “The Shawshank Redemption”, të burgosurit arritën të hapin një tunel nën një lavaman dhe arritën të dalin jashtë rrethimit të burgut.
Sipas të dhënave, 5 prej të arratisurve ishin pjesë e lëvizjes së Xhihadit Islamik, ndërsa i gjashti është një ish-komandant i grupit të armatosur pranë partisë Fatah. Të burgosurit ishin shokë qelie dhe arritën të dalin nga burgu përmes gërmimit të një tuneli që dilte jashtë rrethimit. Zëdhënësi i policisë izraelite, Eli Levy tha për Kan Radio, se largimi i të dënuarve nga qelia ishte pikasur herët, por ata ishin larguar me shpejtësi dhe me shumë mundësi kishin si destinacion Bregun Perëndimor. Mediat e identifikuan një prej të arratisurve si Zakaria Zubeidi, një ish-komandat i brigadave të armatosura të Fatah, “Martirët” e Al Aqsa.
Policia, ushtria dhe agjentë sekretë izraelitë, me qen, dronë e helikopterë, janë vënë në kërkim të grupit që bëri bujë me arratisjen e tyre nga burgu i sigurisë së lartë. Ndërkohë, autoritet zhvendosën edhe 400 të burgosur të tjerë nga burgu Gilboa pasi ekziston frika e të tjera arratisjeve.
Mal Berisha, ish-ambasador e diplomat, ka treguar një rrëfim interesant nga takimet e tij në…
Fushata zgjedhore në qytetin e Cyrihut po tregon anën e saj të shëmtuar pak para…
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…