Ndarja e Çmimit Nobel për letërsi për vitin 2019 shkrimtarit austriak Peter Handke është skandal i madh që të enjten shpërtheu në Stockholm. Jo për shkakun se Handke nuk është shkrimtar i mirë – sepse është shkrimtar i mirë. Por për shkakun se Handke ishte dhe mbetet zëri intelektual që në vazhdimësi ka qëndruar në anën e kriminelëve të luftës.
Që nga nisja e luftërave në ish-Jugosllavi, Handke ka qëndruar në mbrojtje të Slobodan Milosheviqit dhe regjimit të tij.
Ai kishte vizituar Kosovën së bashku me popat serbë në vitin 2007, dhe siç shihet në video ai viziton varret serbe dhe kurrë nuk vizitoi varrezatë e shqiptarëve të vrarë nga idoli i tij Slobodan Millosheviç.
