Një gjykatë greke ka dhënë mijëra euro kompensim për një refugjat afgan, i cili kaloi më shumë se dy vjet në burg pasi u akuzua gabimisht për kontrabandë me njerëz, në një hap të rrallë të përshëndetur nga aktivistët.
Një gjykatë apeli prej tre anëtarësh në ishullin Lesbos në Egje vendosi se Akif Rasuli jo vetëm që ishte burgosur padrejtësisht, por duhet të shpërblehej për sprovën që i ishte bërë të duronte, shkruan The Guardian.
Me urdhër të gjykatës, Rasuli, i dënuar fillimisht me 50 vjet para anulimit të dënimit , iu dorëzua 15,920 euro si kompensim. Duke folur jashtë gjykatës në Mytilene, kryeqyteti i ishullit, të martën, 26-vjeçari i ngazëllyer e përshkroi vendimin si shfajësim të shumëkërkuar.
“Kam vuajtur aq shumë në burg për një krim që nuk e kam kryer,” u tha ai gazetarëve, duke thënë se nuk ishte i vetëm që u dënua gabimisht si kontrabandist.
