Gjenerali i UÇK-së dhe politikani Naim Maloku në një postim të tij në Facebook ka folur për gjendjen e tij shëndetësore, duke thënë se është në gjendje të mirë, ku po e vazhdon trajtimin.
Ai thotë se ende është në trajtim nga sëmundja e kancerit, por pavarësisht problemeve, gjendja e tij shëndetësore nuk është kritike.
Postimi i plotë:
Miqësi e respektuar,
Po ndodhë që portale të ndryshme, nga arësye dhe motive që unë nuk i di, po e shpërndajnë , dhe po e bëjnë lajm ditor,një foto timen të bërë me datë 18.06.2019 pas operacionit nga kanceri të kryer në repartin e Kirurgjisë Abdominale në Qendren Klinike Univerzitare te Lubjanës.
Është e vërtetë që unë jam ende në trajtim , këtu në Slloveni,nga sëmundja e kancerit ,me të gjitha problemet që i bartë në vete trajtimi i tillë, por gjendja e ime shëndetësore s’është kritike.
Ndiej keqardhje për shqetësimet që i keni pasur dhe faleminderit shumë për interesimin dhe telefonatat e shumëta që i pata sot.
Ju dëshiroj shëndet të mirë dhe fat për Ju dhe të dashurit Tuaj!
