Kryepeshkopi Anastas Janullatos, i cili ndodhej i shtruar në spitalin e Tiranës që prej datës 30 dhjetor u transportua ditën e djeshme në Athinë për mjekim të specializuar.
Mediat greke shkruajnë se kryepeshkopi është vizituar në spital në Athinë nga ministri i Jashtëm i Greqisë, Giorgos Gerapetritis.
Po ashtu, mediat greke shkruajnë se vizita ka qenë e shkurtër, ku besohet se është zhvilluar edhe një bisedë mes tyre.
Kisha Ortodokse Autoqefale e Shqipërisë në reagimin e saj ditën e sotme u shpreh se gjendja e kryepeshkopit tashmë paraqitet e stabilizuar. Media greke shkruan se kryepeshkopi po i nënshtrohet ekzaminimeve mjekësore dhe po merr kujdesin e nevojshëm nga mjekët.
“Arqipeshkvi më i bekuar i Shqipërisë z.Anastasi u shtrua më 3 janar 2025, në vigjiljen e përgjithshme të spitalit “Ungjillëzimi”. Gjendja e tij shëndetësore, pavarësisht historisë tashmë të rënduar mjekësore, konsiderohet e qëndrueshme dhe monitorohet nga afër nga ekipi mjekësor i Spitalit nën drejtimin e profesoreshës së Pulmologjisë dhe Mjekimit Intensiv znj. Anastasia Kotanidou. Fortlumturia e tij po i nënshtrohet ekzaminimeve të nevojshme mjekësore dhe po merr kujdesin e duhur”, thuhet në njoftimin mjekësor të Ungjillëzimit.
