Shqiptarët nuk besojnë tek ndershmëria e politikanëve të tyre. Të paktën gjashtë në dhjetë shqiptarë mendojnë se të gjithë udhëheqësit kryesorë të vendit janë të pandershëm.
Edhe pse në mandatin e tretë qeverisës, Kryeministri Edi Rama cilësohet nga shqiptarët se është më i ndershmi: një në katër shqiptarë (24,3%) mendojnë se ai është i ndershëm.
Mungesa e besimit është më e theksuar tek udhëheqësit e opozitës.
Edi Rama gjithashtu konsiderohet udhëheqës i fortë, 57% e njerëzve mendojnë kështu.
Rreth 44.5% mendojnë se Sali Berisha është udhëheqës i fortë, pasuar nga Erjon Veliaj (37,5%. Basha, Meta dhe Kryemadhi mendohen nga pak njerëz si udhëheqës të fortë.
Rezultatet janë të një vrojtimi për Euronews Albania, realizuar nga MRB dhe Data Centrum, në shkallë vendi në periudhën 20-29 tetor 2021.
