Mali ka ndërprerë marrëdhëniet diplomatike me Ukrainën, pasi një zyrtar ushtarak deklaroi se Kievi ka luajtur një rol në luftimet vdekjeprurëse pranë kufirit algjerian muajin e kaluar.
Dhjetëra ushtarë dhe mercenarë nga grupi rus Wagner u vranë gjatë përleshjeve me rebelët separatistë Tuareg dhe luftëtarët e lidhur me Al-Kaedën.
Andriy Yusov, një zëdhënës i inteligjencës ushtarake ukrainase, tha javën e kaluar se rebelëve iu është dhënë informacioni i nevojshëm për të kryer sulmet.
Një zyrtar i lartë malian, koloneli Abdoulaye Maiga, tha se qeveria e tij ishte e tronditur kur dëgjoi pretendimin dhe akuzoi Ukrainën për shkelje të sovranitetit të Malit.
“Komentet e Yusov pranuan përfshirjen e Ukrainës në një sulm barbar nga grupet e armatosura terroriste që çuan në vdekjen e ushtarëve malianë”, thuhet në deklaratën e Kol Maiga.
Raportet thonë se forcat malianë dhe mercenarët e Wagner u zunë në pritë nga rebelët Tuareg dhe luftëtarët e degës së al-Kaedës, Jamaat Nusrat al-Islam wal-Muslimin, ndërsa prisnin përforcime, pasi u tërhoqën nga Tinzaouaten.
