Trupat ukrainase po lëvizin për të kapur qytetin lindor të Lyman-it të kontrolluar nga Rusia.
Kjo, duke kërcënuar fushatën e presidentit rus Vladimir Putin në Donbas, ndërsa ai përgatitet të shpallë rajonin si pjesë të Rusisë.
Lajmi u bë i ditur nga agjencia “Reuters”.
Marrja e qytetit në veri të rajonit të Donetsk-ut mund t’i hapë rrugën Ukrainës për të hyrë në provincën ngjitur me Luhansk-un.
Ky fakt do ndërpriste qëllimin e Putin-it për të kapur të gjithë rajonin industrial të Donbas-it.
Rajonet janë midis katër pjesëve të territorit të Ukrainës lindore dhe jugore që kreu i Kremlin-it pritet të shpallë si “tokë e aneksuar nga Rusia”.
Putin ka thënë se Moska mund të përdorë armë bërthamore për të mbrojtur territorin rus nëse është e nevojshme.
Kiev-i zyrtar ka theksuar se nuk do të ndikohet nga kërcënime të tilla dhe do të vazhdojë me planet e tij për të dëbuar të gjitha forcat ruse nga Ukraina.
Lyman ka shërbyer për muaj të tërë si një qendër logjistike dhe transporti që ankoron operacionet ruse në rajonin verior të Donetsk-ut.
Kapja e tij, sipas analistëve, do të ishte fitimi më i madh i forcave ukrainase që pas kundërofensivës në Kharkiv.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…