Një video e re amatore shfaq një luftëtar ukrainas duke shkrepur predhën nga sistemi mobil i mbrojtjes kundërajrore i njohur si MANPADS – duke arritur që me të ta rrëzojë një raketë ruse që po vinte në drejtim të tyre.
Videoja e shkurtër e shpërndarë në të gjitha platformat e rrjeteve sociale është publikuar edhe nga Anton Gerashchenko, ish-këshilltar i ministrit të Brendshëm ukrainas, ku shihet një ushtar ukrainas i veshur me rroba civile duke shkrepur predhën nga një zonë malore.
Disa zëra dëgjohen duke festuar, pasi duket se shkrepja e predhës rezulton të jetë e suksesshme pasi godet raketën ruse.
Nuk dihet se kur dhe ku është filmuar videoja, kurse Newsweek nuk ka arritur që në mënyrë të pavarur të verifikojë autenticitetin e videos.
Ukrainasit ka marrë dhjetëra lloje të ndryshme të MANPADS, që është dëshmuar si një armë shumë efektive kundër forcave ruse – përfshirë edhe Stingerin amerikan dhe StarStrekun britanik.
Ndryshe Shtetet e Bashkuara i kanë dhuruar ukrainasve mbi 2 mijë raketa Stinger – kështu të paktën thuhet në dokumentet e Pentagonit. /Telegrafi/
