Ushtria ukrainase ka realizuar një sulm të mirë organizuar në Bakhmut, ku po zhvillohen luftimet më të ashpra mes ukrainasve dhe rusëve.
Pamjet e filmuara nga ajri gjatë natës, shfaqin momentet kur ukrainasit bombardojnë istikamet brenda të cilave ishin strehuar ushtarët rusë.
Pas goditjes me artileri të rëndë mbi mjetet e blinduara ruse dhe istikamet, ukrainasit arritën të zënë rob lufte shumë ushtarë të Vladimir Putinit.
Ata shihen në videon e publikuar më poshtë, se pas bombardimeve dhe mungesës së armëve adekuate për t’ju kundërpërgjigjur, dorëzohen kur e shohin se janë rrethuar në të katër anët.
Ushtarët e Kremlinit ngritin duart lart dhe me instruksionet e ukrainasve dalin nga istikamet, ku nga ai moment konsiderohen si të zënë rob lufte.
Në anën tjetër beteja e ashpër për kontrollin e Bakhmutit po vazhdon, madje presidenti ukrainas Volodymyr Zelensky po e cilëson si betejën më të përgjakshme nga fillimi i luftës në këtë vend.
