Dramë në Rusi! Sulmi në një nga rafineritë më të mëdha të Putinit: Ky sulm mund të ketë pasoja të paparashikueshme!

Rafineria e Novokuybyshevsk, e vendosur në rajonin e Samara të Federatës Ruse, është sulmuar gjatë natës nga dronë, raportojnë burime ruse dhe ukrainase.

Raportet e para për shpërthime në rajonin e Samara u shfaqën në kanalin Astra Telegram, i cili, duke cituar banorët lokalë, njoftoi se dronët kishin shënjestruar rafinerinë Novokuybyshevsk, e cila është pjesë e grupit Rosneft.

Sipas informacioneve nga kanalet ruse Telegram, një zjarr ka shpërthyer në objekt. Megjithatë, autoritetet lokale pretendojnë se sulmi ishte i pasuksesshëm, duke thënë se tre drone u rrëzuan, se nuk kishte “asnjë zjarr apo dëmtim” dhe se rafineria po funksionon normalisht.

Më vonë, RBC raportoi se një depo që mbulonte një sipërfaqe prej 1500 metrash katrorë ishte në zjarr në Novokuybyshevsk, por nuk u specifikua nëse zjarri kishte lidhje me sulmin me dron.

Nga ana tjetër, kreu i Qendrës për Luftimin e Dezinformimit në Këshillin Kombëtar të Sigurisë dhe Mbrojtjes së Ukrainës, Andriy Kovalenko, konfirmoi se dronët kishin goditur vërtet rafinerinë.

 

– Kapaciteti i kësaj rafinerie është 8.8 milionë tonë naftë në vit, çka e vendos atë ndër dhjetë më të mëdhatë në Rusi. Ajo prodhon një gamë të gjerë të produkteve të naftës, duke përfshirë benzinë, naftë dhe kirozinë, të cilat janë thelbësore për transportin dhe pajisjet ushtarake. “Për ushtrinë ruse, kjo rafineri është e një rëndësie strategjike, pasi siguron një furnizim të qëndrueshëm me karburant për operacionet ushtarake”, tha Kovalenko.

Megjithatë, ai nuk ka dhënë informacione për ndonjë dëmtim të mundshëm.

Rusia pretendon se ka rrëzuar nëntë dronë

Ministria ruse e Mbrojtjes njoftoi se sistemet e mbrojtjes ajrore përgjuan dhe shkatërruan nëntë dronë ukrainas gjatë natës.

Sipas autoriteteve ruse, tre drone u rrëzuan mbi rajonin e Samara, dy mbi rajonet Voronezh dhe Oryol, ndërsa nga një u shkatërrua mbi rajonet Belgorod dhe Kursk.

Edhe pse Moska pretendon se sulmi nuk shkaktoi dëme të konsiderueshme, informacionet kontradiktore për zjarrin në Novokuybyshevsk tregojnë për pasojat e mundshme të këtij sulmi.