Ukraina është duke praktikuar një “terr mediatik” në lidhje me kundërsulmin e saj në jug të vendit.
Megjithatë, portali ukrainas Ukrinform njoftoi se ka raportime se ushtria ukrainase shkatërroi një grup Kadirovësh, siç quhen ndryshe njerëzit e kriminelit çeçen besnik i Putinit, Ramzan Kadyrov .
Në raportet e mëparshme shkruhej për mbërritjen e tyre në Kherson. Siç shkruan korrespondenti i Ukrinform, duke iu referuar deklaratës së Sergi Khlan , një ish-zyrtar lokal në rajonin Kherson, në sulmin e ushtrisë ukrainase në bazën e tyre në anën lindore të Dnieper, dyshohet se u vranë 40 luftëtarë çeçenë dhe rreth 60 u plagosën.
https://twitter.com/i/status/1584863289116237824
“Ata nuk mund të përmbaheshin të bënin selfie dhe t’i postonin në rrjetet sociale. Falë TikTok, ne zbuluam vendndodhjen e tyre. Gjithçka që duhej të bënim ishte të sulmonim objektivin”, citon Ukrinform deklaratën e Hlan.
Duke folur për Freedom TV, Hlan deklaroi se luftëtarët u zhvendosën në anën lindore të Dnieper, u vendosën në një ndërtesë dhe më pas nuk rezistuan duke u fotografuar, transmeton portali. Ky informacion ende nuk është konfirmuar nga burime të tjera.
