Ushtaraku shqiptar pjesë e pushtetit të ri në Siri thotë se Kosova e kërkoi njohjen nga Damasku

Ushtaraku shqiptar që është pjesë e pushtetit të ri në Siri, Ebu Katada Albani, ka thënë se Kosova ka kërkuar njohjen nga Damasku.

Ebu Katada Albani ka thënë se është fatkeqsi që një kërkesë e tillë ka ardhur nga një nivel shumë i ulët, siç ka thënë ai nga një zv.ministër i pushtetit lokal.

“Në të njejtën kohë fatmirësisht dhe fatkeqësisht ka një kërkesë për njohjen e pavarësisë së Kosovës nga ana e Qeverisë së re të Sirisë, por fatkeqësia është se kjo kërkesë nuk erdhi në nivelin e duhur, për shkak se ka ardhur në nivelin e zv.ministrit të qeverisë lokale më sa më kujtohet”, ka thënë ai në një intervistë për “Interaktiv Talks”.

Ai ka shtuar se një kërkesë e tillë duhet të bëhet në nivel presidenti apo të kryeministrit.