Një ukrainase rreth 23-vjeçare, me 21 shkurt ishte gjendur e vdekur në autostradën “Arben Xhaferi”, në rrethana të dyshimta.
Gati dy muaj pas rastit, ende nuk ka persona të dyshuar.
Zëdhënësja e Prokurorisë Themelore në Ferizaj, Vjosa Baftiu, ka deklaruar shkurt për Telegrafin, se janë duke pritur raportin e autopsisë dhe se nuk mund të japë detaje të tjera.
“Momentalisht jemi duke pritur raportin e autopsisë, për momentin, nuk ka të dyshuar në lidhje me rastin”, u shpreh Baftiu.
Ndërkaq, Natasha Kozij, nëna e viktimës, Olena Kozij, ka thënë për Telegrafin, se rasti është duke u neglizhuar nga prokuroria i rastit.
Sipas saj, duke ditur se nuk kupton anglisht, ka kërkuar një përkthyes.
¨Kam folur me prokurorin që po e trajton këtë çështje. Folëm me një përkthyes, por ai thotë se nuk më kupton. Ose nuk dëshiron të kuptojë”, tha Kozij.
E pyetur nëse gjatë komunikimit me të bijën ka kuptuar ndonjë shqetësim, ajo tha se ajo kishte humor të mirë dhe se nuk ka pasur probleme me askënd.
Madje, thekson se në mars do të kthehej në Ukrainë.
“Vajza ime nuk kishte fare probleme. Ajo do të kthehej në shtëpi në mars 2024. E prisnim në shtëpi. Fatkeqësisht, nuk prita”, u shpreh Kozij.
Një aeroplan ushtarak KC-135 për furnizim me karburant është rrëzuar në Irak, pas një “incidenti”…
Bashkësia Islame e Kosovës ka rritur vlerën e Sadakatul Fitrit për këtë Ramazani, duke e përcaktuar atë…
Prokuroria shtetërore në Lubjanë, Slloveni, ka ngritur më 12 janar aktakuzë kundër kryepeshkopit të Kishës…
Ministri i Shëndetësisë, Arben Vitia, ka njoftuar se për herë të parë në sistemin publik…
Shprehja e famshme se “diçka ndodhi dhe pjesa tjetër është histori” nuk vlen për zhvillimet…
Mes sulmeve amerikano-iraniane që po zhvillohen në Iran flamuri Izraelit i projektuar në qendër të…