Kastrijot Krivaqa, vëllai i të dyshuarit kryesor për krimin makabër në Ferizaj, Dardan Krivaqa, është deklaruar pas kapjes së këtij të fundit nga Policia e Kosovës.
Përmes një postimi në rrjetin social Facebook, ai ka thënë ngjarja e rëndë ka tronditur familjen dhe shpreson se vëllau i tij Dardani, të marrë dënimin e merituar për krimin e kryer, shkruan Reporteri.net.
“Me rastim e Kapjes dhe Arrestimit te tije nga Policia e Kosoves, si dhe ndihmesis qe bene Qytetaret, Une i pergezoj dhe shpresoj se Ligji do t’ja shqiptoj Denimin Meritor, si dhe shpresoj qe ky Krim Makaber do te Mobilizon te gjithe Neve per te i evitu Krimet, dhe te luftojm per Mireqenien e Femijeve tane.”, ka shkruar Kastrijot Krivaqa.
Ai po ashtu u ka shprehur ngushëllime familjes së të ndjerës.
Ndryshe, Dardan Krivaqa është arrestuar sot rreth orës 12:00.
Ai është i dyshuari kryesor për vrasjen e 18-vjeçares, M.O, e cila të dielën është dërguar pa shenja jete në emergjencën e Spitalit Rajonal të Ferizajt.Si i dyshuar për këtë rast është edhe Arbër Sejdiu që është arrestuar dy ditë më parë.
Krivaqa, emër i njohur për policinë ishte në kërkim tash e dy ditë.
18-vjeçares, M.O, sot iu dha lamtumira e fundit, ku në ceremoninë e varrimit ishte i pranishëm edhe kryeministri i vendit, Albin Kurti.
Ky është postimi i plotë i Kastrijot Krivaqës:
Prinder, Miq, Farefis dhe Qytetar te Ferizajit:
Pranonin ngushëllimet me të sinqerta që burojn thelle nga shpirti im, me shpresë dhe ndihmen e Allahut ta perballojm ket TRAGJEDI.
Ky Krim Makaber qe e beri “vella im” na la pa asnjë fjal të gjitheve. Vertet jemi të Traumatizuar dhe te prekur, e mbi te gjitha ai më Krimin e bëri, Njollosi dhe Lendoi tër Familjen tone.
Gjate tër jetes na ka sjelle Probleme dhe Telashe të pa parapara, por asnjeher nuk na ka degju dhe perfille keshillat tona.
Une si vella i Madhe jame perkujdesur per Familje qysh ne mosh shume te re nga se heret kame mbet pa Baba, por jame mundu qe “vellaun” ta kshilloj dhe Ndihmoj, por ai asnjeher nuk ka ndegjua askend.
Me rastim e Kapjes dhe Arrestimit te tije nga Policia e Kosoves, si dhe ndihmesis qe bene Qytetaret, Une i pergezoj dhe shpresoj se Ligji do t’ja shqiptoj Denimin Meritor, si dhe shpresoj qe ky Krim Makaber do te Mobilizon te gjithe Neve per te i evitu Krimet, dhe te luftojm per Mireqenien e Femijeve tane.
Ne veqanti edhe njiher i shprehi ngushellime Familjes Osmani. Zoti ju dhasht force dhe gajret.
