Ministria e Industrisë, Ndërmarrësisë dhe Tregtisë ka caktuar çmimet tavan për shitjen e derivateve, për ditën e hënë.
Sipas vendimit, çmimi maksimal i lejuar i naftës është 1.85 euro për litër, i benzinës 1.74 euro dhe i gazit 0.78 euro.
Këto çmime vlejnë nga ora 10:00 e së hënës dhe janë valide 24 orë.
Kësisoj, ministria pritet të caktojë çdo ditë çmimet tavan për shitjen e derivateve.
Javëve të fundit, çmimi i naftës në Kosovës ka shënuar vlera rekorde, duke u rritur dita-ditës.
Shoqata e Naftëtarëve të Kosovës pati thënë ditë më herët se rritja e çmimeve po reflektohet në tregjet ndërkombëtar. Megjithatë ka pasur kritika lidhur me operatorët që nuk po i ulin çmimet kur nafta po shënon rënie në bursë.
Për një javë çmimet e derivateve janë rritur për 15 centë.
