VIDEO: Autoblinda ruse shkon gabimisht drejt tankut ukrainas dhe u qëlluan nga një distancë e afërt

Në Kursk, dy tanke ukrainase hodhën në erë një automjet të blinduar rus.

Tanket e brigadës së 17-të të ushtrisë ukrainase (T-64 ose T-72) goditën dy herë automjetin rus dhe e shkatërruan plotësisht.

“Kjo është beteja më e afërt e tankeve që kam parë ndonjëherë!”, tha gjenerali në pension i ushtrisë amerikane, Mark Hertling, shkruan forbes.

Ballafaqimi filloi kur një automjehttps://twitter.com/i/status/1846518065086738466t rus filloi t’i afrohej me shpejtësi të madhe dy tankeve ukrainase të parkuar pranë disa pemëve diku në Kursk.

Është e pakuptueshme pse ushtarët shkuan drejt dy tankeve të armatosura me armë 125 mm. Ka mundësi që rusët të kenë vlerësuar gabimisht se tanket ishin ruse pasi që forcat ruse dhe ukrainase përdorin shpesh të njëjtat modele.

Është gjithashtu e mundur që rusët besuan se tanket ishin të palëvizshme dhe të braktisura. Nga njëra prej tyre dilte tym, duke lënë të kuptohet se ishte dëmtuar.

Sido që të jetë, mjeti rus u godit nga një predhë 30 kilogramësh nga një distancë prej 15 metrash. Për fat të pabesueshëm, disa ushtarë rusë arritën t’i mbijetonin këtij sulmi dhe të shpëtonin.

Përplasja është vetëm një nga një seri në pushtimin 10-javor të Ukrainës në Kursk, i cili ka parë që trupat ruse dhe ukrainase të përzihen në kaosin e ofensivave nga të dyja palët.