Marigona Osmani u vra në Ferizaj nga bashkëshorti i saj Dardan Krivaqa ne bashkëpunim me mikun e tij, Arber Sejdiu.
18 vjeçarja humbi jetën nga dhuna e tmerrshme fizike e shkaktuar nga Krivaqa.
Trupi i pajetë i 18 vjeçares u la përpara spitalit të Ferizajt pa shenja jete. Policia arrestoi dy personat e dyshuar për kryerjen e këtij krimi.
Babai i Marigonës, Muhabi Osmani, ka folur për emisionin Shqipëria Live mesditën e së hënës. Ai tha se nuk kishin dyshuar asnjë moment për gjendjen e çiftit.
Babai i Marigonës: Nuk kemi ditur se na ndodhte ky rast. Kemi pasur bindje se ishte gjithçka në rregull, por qenkemi mashtruar. Në Kosovë thonë që në fillim kur shkon te burri të mërzitet dhe e kam mbajtur vajzën time në vëzhgim. Nuk ka pasur telefon. Kur vinte këtu dhe komunikoja unë gjithmonë në atë mënyrën, lëvizjet çdo bisedë, sytë nga ajo. Nëna e vet ka shkuar dy herë në banesë dhe ka qenë e mbyllur. Kanë ardhur familjarët e tij. Marigona ka qenë një vajzë e urtë, e sinqertë, nuk na ka hapur telashe kurrë.
Ai theksoi se nëse nuk ka drejtësi nga institucionet e Kosovës do të bëjnë vetëgjyqësi, teksa përmend ligjin e Lekë Dukagjinit.
Babai i Marigonës: Nëse shteti nuk jep verdiktin e vet ne kemi ligjin tjetër, ligjin e kanunit. Më ka ndodhur mua mos t’i ndodhë ndokujt tjetër./Top-channel.
Presidenti amerikan Donald Trump i ofroi një mesazh udhëheqësit suprem të Iranit kur u pyet…
Ende pa e përfunduar plotësisht ‘muhabetin’ me zgjedhjet qendrore, Kosova ka hyrë tashmë në një…
Udhëheqësi Suprem i Iranit, Ajatollah Ali Khamenei, tha se vendi i tij nuk do ta…
"Do të ishte mirë, nëse do t’i vinte fundi këtij regjimi të Mullahëve": Kancelari Merz…
Forcat ruse kryen një nga sulmet më vdekjeprurëse që nga fillimi i pushtimit në vitin…
Izraeli e ka tronditur Iranin javën e kaluar në momentin që ka nisur një operacion…
