Pas përleshjes në një klasë të Shkollës “Ismail Qemali” në Prishtinë, debati mes mësimdhënësve e prindërve e gjyshërve ka vazhduar edhe në oborr.
Në një video të regjistruar nga KOHA, një mësimdhënës i drejtohet një gjyshi “Çka kanë këta gjyshër more sot”. Familjari po kundërshtonte grevën e mësimdhënësve, duke marrë shembuj edhe nga rajoni.
“Ju i jeni bashkëngjitur fashistëve”, deklaroi më pas familjari i një nxënësi.
Në një moment, mësimdhënësi i tha që nuk kanë punë me gjyshër dhe se greva do të vazhdojë.
