Ky është momenti tronditës i vrasjes së biznesmenit dhe politikanit Ardian Nikulaj në Shëngjin ditën e mërkurë, në ambintet e biznesit të tij.
Në videon e publikuar nga “Ora News”, shihet se autorit me skafandër në kokë dhe jelek fosforeshent, i janë dashur vetëm 10 sekonda për t’i marrë jetën 50-vjeçarit.
Nikulaj është duke folur në telefon, por në momentin që autori hyn në derë dhe e përshëndet ose thërret në emër sipas dëshmisë së vjehrrit të viktimës, biznesmeni lë në tavolinë celularin dhe kthen kokën në drejtim të tij.
Autori më pas bën 2-3 hapa në drejtim të tavolinës ku ishte ulur 50-vjeçari dhe me gjakftohtësi zbraz mbi të 6 plumba nga pistoleta tip “TT” me silenciator, madje duke iu afruar në fund si për t’u siguruar që shënjestra ka ndërruar jetë.
68-vjeçari ka treguar se kur ka parë autorin, ka menduar se ishte postier. Por pasi ka filluar të qëllojë, ndërkohë roja është larguar me vrap për ti shpëtuar plumbave.
Nga 6 plumbat e shkrepura nga pistoleta tip “TT” në drejtim të biznesmenit Nikulaj, vetëm 5 prej tyre e kanë kapur në pjesë të ndryshme të trupit. Ku plumbi fatal, sipas ekspertizës mjeko-ligjore, ishte ai në pjesën e ballit, duke sjellë vdekjen e menjëhershme të biznesmenit.
Ngjarja e rëndë vijon të mbetet pa autor edhe pse ekzekutori rezulton të jetë larguar me motorin e tij me targa të huaja, të cilin përdori për të mbërritur në vendngjarje duke lënë përshtypjen te dëshmitarët okularë se ishte një postier.
Për pistat e hetimit, policia vijon të mbetet e dyzuar, kjo edhe për shkak se viktima kishte një aktivitet të gjerë në biznes, politikë dhe gjakmarrje të vjetër.
Zëdhënësi i Gardës Revolucionare (IRGC), Ali Mohammad Naini, hodhi poshtë pretendimet e SHBA-ve se aftësitë…
Udhëheqësi i ri suprem i Iranit, Mojtaba Khamenei, thuhet se është dërguar fshehurazi në Moskë…
Lideri i ri suprem i Iranit, Mojtaba Khamenei, 56 vjeç, i cili mori detyrën pas…
Kryeministri izraelit, Benjamin Netanyahu ka shpërndarë në “X” një video te tij teksa blen kafe…
Ish-presidenti i Maqedonisë së Veriut, Stevo Pendarovski, ka folur për statusin e gjuhës shqipe dhe…
Një shefe e operacioneve të skuadrës, e cila kohët e fundit kishte fituar krahët si…