Prej orës 18:00 ka nisur hyrja e tifozëve në stadiumin “Arena Kombëtare”, ku do të luhet finalja e Conference League mes Romës dhe Feyenoord.
Teksa po raportohej live, kamera e Klan News ka fiksuar momentin e arrestimit të një tifozi të Feyenoord. Ai kishte arritur të kalonte kordonin e parë të policisë, por më pas i janë vënë prangat.
Gazetari Besar Bajraktaraj i cili po raportonte tha se nuk dihet arsyeja e arrestimit të këtij tifozi.
