Ukraina shkatërroi një depo municionesh ruse disa orë pasi Moska nisi një sulm në portin e Odesës, pavarësisht se kohët e fundit nënshkroi një marrëveshje për të ndihmuar në zhbllokimin e porteve kryesore në Detin e Zi.
Pamjet e shpërndara në rrjetet sociale tregojnë pasojat e menjëhershme të goditjes nga sistemi raketar amerikan HIMARS në depo, me një re të madhe tymi të zi që ngrihet drejt qiellit.
Më pas mund të shihet një shpërthim i fuqishëm i municioneve në depon e ushtrisë ruse.
Huge smoke, from another angle. https://t.co/jdNbRBebnE
— BlueSauron👁️ (@Blue_Sauron) July 23, 2022
Pamjet shtesë tregojnë një shpërthim fillestar që ndodhi menjëherë pasi raketa goditi pikërisht në mes të resë së tymit.
Këshilltari i Ministrit të Punëve të Brendshme të Ukrainës Anton Gerashchenko ndau pamjet e sulmit dhe tha se besohet se është goditur një fabrikë riparimi makinerish.
Ai shkroi në Twitter: “Shpërthim në Horlivka e pushtuar, rajoni Donetsk”.
“Lajmet lokale thonë se është goditur një fabrikë riparimi makinerish – ku rusët riparojnë automjetet e tyre luftarake”.
“Informacioni është duke u verifikuar”.
Departamenti i Komunikimeve Strategjike të Forcave të Armatosura më parë raportoi se një depo ruse ishte shkatërruar gjithashtu të premten.
