Vrapon, kërcen dhe nuk ndalet para asgjëje, qeni robot që duket sikur ka dalë nga filmat

Robotët që ngjajnë me qentë janë një koncept që mund të duket si diçka nga një episod i fundit i Black Mirror, por tani janë bërë realitet. Një robot i tillë, i quajtur Lynx, është krijuar nga kompania kineze Deep Robotics dhe ka ngritur shumë shqetësime dhe habi nëpër media dhe rrjetet sociale.

Lynx është një robot me katër rrota që mund të lëvizë, ngjitë dhe madje të bëjë kërcime së prapthi, duke përshkuar çdo lloj terreni, nga shkëmbinjtë te bora. Ky robot mund të përdoret për operacione shpëtimi, pasi ka një mundësi të shkëlqyer për të hyrë në zona të paarritshme dhe për të ndihmuar në kërkimet e personave të humbur. Sipas Deep Robotics, Lynx ka një dizajn kompakt dhe të fuqishëm, me aftësi për t’u përshtatur në terrene të ndryshme.

Lynx ka një lartësi prej gati një metër dhe peshon 30 kilogramë, që është shumë e ngjashme me madhësinë e një qeni Labrador. Robotët e tillë mund të ngjiten në platforma deri në 80 cm dhe të kalojnë shkallë deri në 22 cm. Shpejtësia maksimale e tij arrin deri në 5 metra për sekondë, që është rreth 11 km/h.

Megjithatë, nuk kanë munguar as skeptikët që kanë shprehur frikën e tyre për përdorimin e mundshëm të këtij roboti në situata të dhunshme. Një përdorues shprehu shqetësimin se ky robot mund të përdoret për të “gjuajtur çdo njeri të mbetur”, ndonëse i ka njohur edhe aftësitë e tij të jashtëzakonshme.

Pavarësisht këtyre komenteve, shumë e kanë vlerësuar Lynx si një arritje të jashtëzakonshme të teknologjisë, duke e krahasuar me robotët që dikur ishin vetëm pjesë e filma të fantashkencës. Megjithatë, çmimi i tij është mjaft i lartë, duke arritur në 17,999 dollarë, një çmim që e bën të papërballueshëm për shumicën e përdoruesve.