Mediat ndërkombëtare bëjnë me dije se, një 71-vjeçar është akuzuar për vrasje dhe krime urrejtjeje, pasi dyshohet se sulmoi me thikë dy persona sepse ishin myslimanë. Joseph Czuba, akuzohet për vrasjen e një djali 6- vjeçar dhe plagosjen e nënës së tij 32-vjeçare, në Plainfield, Illinois.
Ata ishin në shënjestër për shkak të konfliktit aktual midis Hamasit dhe Izraelit, tha Zyra e Sherifit të Qarkut Will. Presidenti Biden dënoi sulmin ndaj nënës dhe djalit të saj, të cilët ishin palestinezo-amerikanë.
“Ky akt i tmerrshëm urrejtjeje nuk ka vend në Amerikë dhe qëndron kundër vlerave tona themelore: lirisë nga frika për mënyrën se si lutemi, çfarë besojmë dhe kush jemi. Si amerikanë, ne duhet të bashkohemi dhe të refuzojmë islamofobinë dhe të gjitha format e fanatizmit dhe urrejtje”.
Presidenti Joe Biden
Czuba u akuzua për vrasje të shkallës së parë, tentativë për vrasje të shkallës së parë, krime të urrejtjes dhe sulm të rëndë.
Në dëshminë e saj, nëna e të miturit, tha se “luftoi” kundër sulmuesit, por kur oficerët mbërritën në vendngjarje, djali kishte plagë të shumta thike në pjesën e sipërme të trupit dhe ndërroi jetë në spital. Sipas autoriteteve amerikane, thika e përdorur nga sulmuesi ishte e dhëmbëzuar dhe 31 cm e gjatë.
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…