Vuçiç: Ja dy qytetet e Shqipërisë që do të doja t’i vizitoja!

Presidenti i Serbisë, Aleksandër Vuçiç, gjatë një intervistë në emisionin “Opinion”, ka treguar se kush janë dy qytetet e Shqipërisë që do të kishte dëshirë t’i vizitonte.

Ai është shprehur se do të kishte dëshirë të shkonte në Vlorë dhe në Shkodër.

“Do të doja të njihem, pasi nuk kam qenë kurrë në Shkodër, as në Vlorë. Ajo që kam dëgjuar nga njerëzit që e dinë këtë, thonë se ka një bregdet jashtëzakonisht të bukur. Kur kam qenë në Tiranë jam ndjerë mirë. Kanë qenë disa protesta. Por, edhe këtu ka protesta ja siç dëgjoni dikush po bërtet tani këtu jashtë, nuk e di se për çfarë por jam mësuar në protesta për çdo ditë”, ka thënë Vuçiç.