Presidenti i Serbisë, Aleksandër Vuçiç, shpërthen ashpër kundër Malit të Zi, ndërsa gjendej në Tivat për samitin e Bërdo Brijunit.
Ai refuzoi që Serbia t’i ketë marrë Malit të Zi 14 për qind të territorit, ndërsa tha se Beogradi lejoi ndarjen e Podgoricës në vitin 2006. “Ne nuk prisnim vetëm që ju ta njihni pavarësinë e Kosovës”, nënvizoi Vuçiç.
Ai shtoi se Serbia nuk do ta shkatërrojë kurrë Malin e Zi, por nuk do të lejojë siç pohoi presidenti serb, që të grushtohet gjithmonë si një thes boksi.
Vuçiç u irritua kur një gazetar i përmendi “Kosovën Republikë”, duke u përgjigjur se sipas ligjit ndërkombëtar dhe rezolutës 12 44, ai shtet nuk ekziston.
“Është njësoj si të ju flas unë ju për Republikën e Gucisë”, tha mes tjerash presidenti duke pretenduar se Mal i Zi po mbështet lëvizjet separatist në Serbi.
