Vuçiq: Prishtina punon kundër Trumpit, Kurti sulmon Grenelin se ka mbështetjen e dy vendeve evropiane

Presidenti i i Serbisë Vuçiq ka thënë se në secilin vend do të përsëris fjalët e kryeministrit të Kosovës Kurti se marrëveshjet e arritura me presion dhe frikësim nuk vlejnë asgjë, shkruan “Kurir”.

Ai ka thënë se Prishtina gjithnjë e më qartë po kthehet kundër presidentit amerikan Tramp dhe njerëzve të tij, këtë e tha duke komentuar deklaratën e Kurtit për gazetën gjermane Frankfurter algemajne cajtung (FAZ).

Sipas tij po shihen hapur sulmet e Kurtit ndaj Grenel dhe sulmet e fshehura ndaj O’Brajan, ndërkohë që kërkon strehim në administratat e dy vendeve evropiane. Vuçiq tha se pajtohet me Kurtin se nënshkrimi në diçka që është marr me presion nuk ka validitet duke përkujtuar me këtë rast agresionin e 19 vendeve ndaj Serbisë, ndonëse paralajmëron biseda të vështira në vizitën që do të bëjë në Berlin.

Vuçiq ka thënë se kryeministrja Brnabiç dhe Gjuriq kanë analizuar deri vonë deklaratën e Kurtit dhe situatën rreth Kosovës në Gjermani dhe ShBA dhe duket qartë se qeveria e Prishtinës po kthehet kundër Trampit. Kurti me veprime dhe fjalë të hapura sulmoi të dërguarin special për dialog Greneë dhe njerëzit tjerë të Trampit si O‘Brajan.

“Kjo se nuk do të dëgjohet me ta dëshmon se ai strehim dhe çerdhe për vete synon të gjejë në administratat e dy vendeve evropiane. Mënyra në të cilën analistët promovojnë Kurtin qartë dëshmon se për cilat vende bëhet fjalë tha Vuçiq duke vlerësuar shumë me rëndësi faktin se amerikanët shumë racionalist janë përqendruar në lidhje me raportin ndaj heqjes së taksës nga Prishtina.

Ajo që disa vende evropiane kërkojnë që ne të falënderohemi për heqjen e pjesshme të taksës, ai krahasoi me dhunuesin në shtëpi që rrah gruan me grusht çdo ditë, ndërsa më pas thotë se tash vetëm do i jep shuplakë, ndërsa gruaja duhet të thotë se ai është i kujdesshëm dhe meriton vëmendje.

“Atë do të donin disa vende evropiane sepse mbështesin Kurtin se është orientuar si anti-amerikan, përkatësisht ata e shtyjnë kundër ShBA për shkak konfliktit që ekziston mes vendeve perëndimore” tha Vuçiq.

Lidhur me refuzimin e Kurtit për të biseduar për statusin e Kosovës, Vuçiq tha se ai nuk di për çka do të bisedohet. “ Njeriu nuk duhet të bisedoj. Deri tash vetëm pak kërcënoi, vajzën time në kontestin që njerëzit e mençur nuk do e bënin kurrë” tha Vuçiq

Ai tha se pajtohet me Kurtin se marrëveshjet e arritura me presion nuk vlejnë, gjë që do përsëris kudo, duke nisur nga vizita dhe qëndrimi në Berlin ku do takohet me kancelaren Merkel, takim që e vlerësoi shume me rëndësi. “kemi raporte tl mira e korrekte, por bisedimet me Merkel rreth Kosovës nuk do të jenë të lehta” tha ai.