Ministri i Brendshëm i Serbisë Aleksandar Vulin tha se një organizatë kriminale e kryesuar nga shtetasi malazez Radoje Zvicer, një nga liderët e “klanit Kavac”, kishte planifikuar vrasjen e presidentit serb Aleksandar Vuçiq.
“Anëtarët e MPB-së dhe BIA-s, së bashku me përfaqësuesit e Europol-it dhe shërbimet partnere nga të cilët kemi marrë informacion, kanë nisur një aksion gjithëpërfshirës për përcaktimin e identitetit të të gjithë anëtarëve të kësaj organizate kriminale, e cila synon të vrasë presidentin serb Aleksandër. Vuçiq”, tha Vulin.
Në krye të kësaj organizate është shtetasi malazez Radoje Zvicer, për të cilin Serbia tashmë ka lëshuar fletarrest, organizator dhe një nga liderët e “klanit Kavac”, tha ai.
Ai tha se hetimi do të përcaktojë nëse “Zvicer”e mblodhi këtë organizatë kriminale për të vrarë presidentin sipas gjykimit të tij apo sepse ai mori urdhra nga lideri i tij politik”.
Deri atëherë, anëtarët e MPB-së dhe BIA-s do të informojnë Prokurorinë për Krimin e Organizuar për çdo informacion që do të marrin dhe në bashkëpunim me strukturat e inteligjencës ushtarake do të ruajnë paqen, stabilitetin dhe rendin kushtetues, si dhe sigurinë dhe jetën e presidentit Vuçiq. tha ministri.
