WSJ: Trumpi kërkon plan ushtarak për të “fshirë Iranin nga faqja e dheut”

Presidenti amerikan, Donald Trump, ka kërkuar opsione ushtarake “vendimtare”, ndërsa kërcënon se do ta “fshijë Iranin nga faqja e dheut”.

Presidenti amerikan po ushtron presion mbi Pentagonin dhe Shtëpinë e Bardhë për plane sulmi që mund të çojnë në shembjen e regjimit.

Sipas Wall Street Journal, zyrtarët po hartojnë gjithashtu opsione më të kufizuara, të cilat mund të përfshijnë goditjen e objekteve të Gardës Revolucionare Islamike.

Trumpi e ka përdorur vazhdimisht fjalën “vendimtare” kur ka përshkruar efektin që do të dëshironte të kishte çdo veprim amerikan ndaj Iranit, sipas zyrtarëve.

Në një intervistë të martën në mbrëmje, ai ka thënë se kërcënimet e vazhdueshme ndaj jetës së tij nga Irani do të rezultonin në faktin që vendi do të “hidhej në erë”.

“Kam udhëzime shumë të qarta… Nëse ndodh ndonjë gjë, ata do ta fshijnë (Iranin) nga faqja e dheut”, ka thënë Trumpi për NeësNation.

Ai është tërhequr nga nisja e sulmeve ndaj Republikës Islamike pas telefonatave urgjente nga aleatët e Gjirit dhe këshillave nga ushtria e tij, sipas të cilave kapacitetet amerikane në rajon ishin të kufizuara.

Që atëherë, ai ka dërguar aeroplanmbajtësen USS Abraham Lincoln dhe grupin e saj goditës në Gjirin Persik dhe ende kërkon opsione sulmi, pasi protestat kundër regjimittë cilat nisën më 28 dhjetor lanë mijëra të vdekur në Teheran.