Kjo hartë tregon ndarjen e Ukrainës, sipas planit të ish-gjeneralit amerikan Keith Kellogg, në funksionin e të dërguarit të posaçëm të Presidentit amerikan Donald Trump për bisedimet e paqes me Rusinë.
Plani parashikon ndarjen e Ukrainës në tre zona; në atë perëndimore ku paqja garantohet nga ushtarët e vendeve europiane, në atë verilindore nën zotërimin e ushtrisë ukrainase dhe në 5 rajonet në jug dhe lindje të vendit që aktualisht Rusia i konsideron si të aneksuara, që mund të njihen si zona nën sigurimin nga ushtria ruse.
Mes zonës ruse dhe asaj ukrainase parashikohet edhe një vijë ndarëse e militarizuar.
Plani mendohet t’i jetë propozuar Vladimir Putinit nga i dërguari i Shtëpisë së Bardhë Stiv Uitkof gjatë vizitës të premten në Shën Pjetërburg.
Megjithatë, ky propozim është përkundër kushteve të palëve të përfshira. Putin përjashton çdo mundësi që trupa perëndimorë të shkelin në Ukrainë, ndërsa vendet europiane nuk mund të pranojnë kurrsesi një njohje “de facto” të pushtimeve ruse në Ukrainë.
