Ish-deputeti i Kuvendit të Kosovës, Milaim Zeka, në emisionin Pressing të T7, ka thënë se Kosova historikisht ia ka pa sherrin politikës së Shqipërisë.
“Kosova ia pa sherrin politikës së tiranës, dëshmon Historia”, është shprehur Zeka.
Zeka thotë se gjatë viteve të 90’ta, raportet e presidentit Rugova dhe Sali Berishës kanë qenë të ftohta.
“Raportet e Ibrahim Rugovës dhe Sali Berishës kanë qenë akull të ftohta. Berisha 100% i mori në grushtin e tij Bujar Bukoshin dhe Isa Mustafën. Këtë e bëri Berisha vetëm për shkak të pareve të mëdha, milionave”, ka thënë Zeka.
Tutje, ai tregoi për shërbimin e Shërbimi Informativ Kombëtar se si punoi në përndjekjen e atdhetarëve të Kosovës. Ai gjithashtu shefin e SHIK’ut e quajti më gjakatar se vet Stanishiqi.
“Bashkim Gazideda, njëri ma gjakatar se ai nuk ka qenë as Stanishiqi në përndjekjen e njërzve ma atdhetar të Kosovës, ka qenë një listë me 170 emra të cilën e ka përpilu Gazideda dhe ja dorzu Berishës, këta njerëz kanë qenë të padëshiruar në Shqipëri”, ka përfunduar Zeka.
