Zelensky: Nuk garantojmë sigurinë e personaliteteve në paradën e 9 majit/ Kërcënon Medvedev: Nëse sulmon, Ukraina nuk do ta shohë të nesërmen

Ish-presidenti rus Dmitry Medvedev, aleati i ngushtë i Vladimir Putinit, Dmitry Medvedev, ka lëshuar kërcënime të reja kundër Kievit në rast se Ukraina sulmon Moskën më 9 maj.

Ai tha të shtunën se askush nuk mund të garantojë se kryeqyteti ukrainas, Kievi, do të mbijetojë deri më 10 maj nëse Ukraina do të sulmojë Moskën gjatë festimeve të fitores në Luftën e Dytë Botërore më 9 maj.

Vladimir Putin shpalli një armëpushim të njëanshëm tre-ditor për 80-vjetorin e fitores së Ushtrisë së Kuqe mbi Gjermaninë naziste në Luftën e Dytë Botërore.

Kremlini tha se armëpushimi do të zgjaste nga 8 deri më 10 maj, me Putinin që do të mirëpresë udhëheqësit e huaj, përfshirë Presidentin kinez Xi Jinping, për një paradë në Sheshin e Kuq më 9 maj.

Duke iu përgjigjur ofertës së Moskës për armëpushim tre-ditor, Presidenti ukrainas Zelensky tha se ishte gati të pranonte një armëpushim për sa kohë që do të zgjaste një muaj, diçka që Putini e refuzoi.

Presidenti ukrainas Volodymyr Zelenskyy i paralajmëroi personalitetet e huaja të ftuara nga Rusia për të ndjekur paradën në Sheshin e Kuq më 9 maj se ai nuk mund të garantojë sigurinë e tyre.

“Ne nuk mund të jemi përgjegjës për atë që ndodh në territorin e Federatës Ruse. Ata ju ofrojnë siguri dhe për këtë arsye ne nuk do t’ju japim asnjë garanci”, u citua Zelenskyy nga portali i lajmeve RBC.