Situata e zjarreve ka vënë në vështirësi gjithë Ballkanin, ndërsa kryeministri grek Mitsotakis shkoi deri aty sa kërkoi falje për dështimin në menaxhimin e situatës.
“Ne bëmë sa mundëm, por në shumë raste nuk ishte mjaftueshëm”, tha Kyriakos Mitsotakis.
Por edhe pse situata paraqitet e rëndë edhe në Shqipëri, me disa vatra aktive nga veriu në jug, qëndrimi i politikanëve tanë nuk është i njëjti.
Situata kritike nuk e ka penguar ministrin e Brendshëm, Bledi Çuçi që të marrë pushimet, ndërsa vendi digjet nga flakët.
Sipas një vendimi (shih më poshtë), ministri Çuçi ka marrë leje 18 ditë, ndërsa kompetencat ia ka kaluar zv.ministrit të Brendshëm.
Në urdhër, thuhet se nga data 2 deri më 20 gusht 2021, Ministria e Brendshme po drejtohet e do të drejtohet me çdo kompetencë, nga Zv/ministri i Brendshëm, Andi Mahila
Ministri kosovar “zbarkon” në Shqipëri
Por ndërsa ministri Çuçi ndodhet me pushime, homologu i tij nga Kosova, Xhelal Zveçla, jo vetëm që ka ofruar ndihmë për Shqipërinë, por ka zbritur vetë në terren për shuarjen e flakëve.
Teksa tuneli i Kalimashit rrezikohej seriozisht nga flakët, bashkë me disa zjarrfikës nga Kosova, ministri kosovar iu është bashkuar forcave shqiptare dhe ka asistuar në shuarjen e flakëve gjatë natës së kaluar.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…