Forcat Ushtarake falë punës së tyre në terren në një lartësi prej 1350 metrash por edhe ndërhyrja nga ajri me helikopterë kanë bërë të mundur vënien nën kontroll të zjarrit në Dukat, duke shmangur rrezikun e përhapjes së flakëve në Parkun Kombëtar të Llogarasë, ku 20 metra bënin diferencën që flakët të përfshinin kurorën e gjelbër të saj.
Ushtarët kanë arritur të neutralizojnë një nga vatrat më të mëdha dhe të rrezikshme, ndërsa situata do të mbahet nën kontroll edhe gjatë natës.
Për shkak të erës së fortë përhapja e flakëve ishte e menjëhershme, por më në fund u zmbraps furia e flakëve drejt Parkut Kombëtar të Llogarasë dhe është bërë rifreskimi i trupave që do të vijojnë gjatë gjithë natës me mbajtjen nën kontroll të situatës.
