Zyrtarët ushtarakë amerikanë i kanë bërë thirrje Pentagonit që ta furnizojnë Ukrainën me aeroplanët luftarakë F-16, më qëllim që ky vend të mund të mbrohet nga raketat dhe dronët rusë.
Një burim që ka folur në kushte anonimiteti, ka thënë për Politico se nuk është marrë vendimi përfundimtar, derisa një zyrtarë i lartë nga zyra e Sekretarit të Mbrojtjes ka theksuar se nuk po e kundërshtojnë një thirrje të tillë, transmeton Telegrafi.
Ky lajm vjen disa ditë pasi që Shtetet e Bashkuara janë zotuar se do të dërgojnë në Ukrainë një pako të re të armëve që kapin vlerën e dy miliardë dollarëve, përfshirë sistemin raketor Patriot.
E Gjermania së fundmi ka miratuar dërgimin e tankeve Leopard 2 në Ukrainë, kurse Shtetet e Bashkuara do të dërgojnë tanket Abram.
Në anën tjetër, tanke kanë premtuar edhe shumë vende tjera perëndimore, e nëse të gjithë këto tanke dërgohen në Ukrainë, atëherë Kievi do të mund të mbrohet nga agresioni rus
