Deputeti ukrainas Oleksii Honcharenko ka dënuar vizitën e mbrëmshme të Vladimir Putin në qytetin e Mariupolit, i cili është marrë nga forcat ruse.
“Krimineli i luftës erdhi për të parë me sytë e tij gjenocidin që kreu në Mariupol”, u shpreh ai përmes një deklarate në Telegram.
Mariupoli u bë një simbol i qëndresës ukrainase pasi forcat e Kievit qëndruan në një fabrikë çeliku atje për rreth tre muaj përpara se Moska të merrte më në fund kontrollin e zonës në maj.
Ai shtoi se “vrasësi i mijëra familjeve të Mariupolit, është kthyer të krenohet me rrënojat e shkaktuar në qytetin e varreve”.
Kujtojmë që Putin mbrëmë qëndroi në Krimenë e aneksuar për të festuar 9-vjetorin e aneksimit, ndërsa sot ishte në qytetin tjetër të Ukrainës – Mariupol që u bë ‘simbol’ i tmerrit dhe krimeve të papara ruse që nga fillimi i luftës.
