Një i ri është përballur dje me një grabitës, i cili me forcë i ka marrë veturën e tipit Golf 7, afër një lokali në Lipjan.
Siç mëson Sinjali, 17-vjeçari e ka raportuar rastin në Polici dhe ka deklaruar se nuk e njeh personin që i ka marrë automjetin. Sipas tij, i njëjti ka qenë tullac dhe është larguar në drejtim të Prishtinës.
Burimet e Sinjalit kanë bërë me dije se Policia ka nisur hetimet, derisa ende nuk dihet se a është kapur i dyshuari për këtë rast.
