Pas heqjes së vetos ndaj anëtarësimit të Suedisë në NATO, shpërblimi për Turqinë vjen në formën e avionëve të luftës. Qeveria amerikane aprovoi shitjen prej 23 milion dollarëshe të 40 avionëve të rinj F-16, një lëvizje e shtyrë prej kohësh për shkak të hezitimit të Ankarasë anëtare të NATO-s, për ti hapur derën Stokholmit.
Ujdia përfshin edhe pajisje moderne për 79 avionë ekzistues turq, F-16. Turqia ratifikoi aderimin e Suedisë në NATO pas më shumë se një viti kundërshti, që shkaktoi tension në aleancë.
Kërkesa për blerjen e avionëve u bë fillimisht në vitin 2021, por kokëfortësia e Ankarasë lidhur me Suedinë u shndërrua në një pengesë të madhe. Veton e saj, Ankaraja e justifikonte me atë që e shihte si mbështetje të Stokholmit për separatistët kurdë.
Por menjëherë pas dritës jeshile në parlamentin turk këtë javë, presidenti amerikan Joe Biden, urdhëroi që shitja e avionëve të kryhej pa vonesa.
Lufta ruse në Ukrainë e ka fuqizuar rolin e Turqisë si një mburojë e NATO-s në rajonin e Detit të Zi. Senatori demokrat Ben Cardin, kryetar i komisionit për marrëdhëniet me jashtë në Senat, pasi njoftoi aprovimin e shitjes së avionëve, paralajmëroi Turqinë që të mos bënte hapa të gabuar, dhe të përmirësonte të dhënat lidhur me të drejtat e njeriut.
Tani, Hungaria është e vetmja anëtare e NATO-s që po mban peng ambicien e Suedisë, edhe pse së fundmi ka pasur sinjale përparimi.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…