Një debat i nxehtë është zhvilluar në mes të deputetëve të Lëvizjes “Vetëvendosje” dhe atyre të LDK-së.
Deputeti i LVV-së, Artan Abrashi e ka emërtuar Qeverinë e re si “Qeveria Koti”. E, kjo i ka penguar deputetëve të LDK-së, të cilët kanë kërkuar të ndëshkohet deputeti i partisë së Albin Kurtit, transmeton Indeksonline
Arben Gashi: Ka përdorur gjuhë ofenduese. Kryeministër Koti. Me emër dhe mbiemër të pasaktë. Kjo fjalë duhet të tërhiqet, përdnryshe duhet të përjashtohet nga seanca.
Artan Abrashi: Unë nuk jam deputet i LDK-së që mem qit prej sallës. Unë jam deputet i VV-së. Kështu që vazhdo cka pate me vazhdu.
Arben Gashi: Zonja Osmani unë propozova mocion procedural. Ai përdori gjuhë fyese. Nëse ai nuk përmbahet, atëehrë ka procedura dhe rregulla që e edukojnë.
Vjosa Osmani: Në qoftë se ka shkelje të rregullores, mund ta dërgoni në Komisionin përkatës.
