Ambasadori britanik: Ne mbështesim Kosovën, por punësimi të bëhet me merita në sistemin e drejtësisë

Ambasadori Britanik në Kosovë, Nicholas Abott, tha se Britania e mbështet Kosovën në rrugëtimin e saj në sistemin e drejtësisë, por fillimisht punësimet të bëhen në mënyrë të rregullt.

Abott po thotë se progresi në sistemin e drejtësisë vjen duke i zbatuar 3 elemente thelbësore, si; rekrutimet, emërimet e stafit udhëheqës dhe gjykatave dhe vlerësimet e performancës.

“Shteti im ka interes që ta mbështes Kosovën në këtë rrugëtim kjo do mundësonte që pas 20 vitesh investitorët tanë mos të hezitojnë dhe të vijnë të investojnë në Kosovë dhe kjo ka një interes reciprok për të arritur tek një gjyqësor transparent janë e elemente thelbësore; rekrutimet, emërimet e stafit udhëheqës dhe gjykatave dhe vlerësimet e performancës. Ky projekt ka për qëllim që të mbështes Këshillin Gjyqësor të Kosovës pikërisht në këto 3 procese”, tha Abott.

Abott po thotë se puna e gjyqtarit mban peshën e një përgjegjësie të lartë dhe se Kosovën e pret një rrugëtim jo i lehtë në këtë drejtim, pra në sistemin e drejtësisë.

Ambasada Britanike përmes partnerëve të saj implementues ‘Axiom International’ dhe ‘Agencia limited’, në bashkëpunim me Këshillin Gjyqësor të Kosovës (KGjK) kanë filluar projektit ‘Forcimi i Sistemit të Drejtësisë në Kosovë’.