Mbrëmjen e sotme është arrestuar asamblisti i Komunës së Prishtinës nga radhët e LVV-së, Arianit Beqiri. Beqiri në të kaluarën ka qenë edhe asistent i kryeministrit Albin Kurti.
Gazeta Insajderi ka tentuar të kontaktojë me Policinë e Kosovës, por deri më tani nuk ka ndonjë përgjigje. Mirëpo Qendra e LVV-së në Prishtinë kanë konfirmuar arrestimin e Beqirit, duke treguar edhe arsyen.
Shefi i asambleistëve të LVV-së në Prishtinë Gëzim Sveçla ka shkruar në Facebook se Arianit Beqiri u arrestua në sheshin e Prishtinës sepse refuzoi të paguaj hyrjen në ku po shfaqen ndeshjet e futbollit.
“Asambleisti i Lëvizjes VETËVENDOSJE! në Kuvendin Komunal të Prishtinës, Arianit Beqiri u arrestua në sheshin e Prishtinës sepse refuzoj të paguaj hyrjen në hapësirën publike ku po shfaqen ndeshjet e futbollit. Për uzurpimin e hapësirave publike të qytetarëve fajtor është Përparim Rama dhe partia e tij, për dhunën e shfaqur nga polici i cili e godet me shkelm Ariantin, duhet të merret Inspektorati Policor”, ka shkruar Shefi i asambleistëve të LVV-së në Prishtinë Gëzim Sveçla.
Në pamjet që ka publikuar portali Indeksonline, shihet teksa Beqiri i reziston arrestimit, por që shpejt përfundoi në pranga.
