Kryeministri Edi Rama e ka quajtur të panevojshëm dhe të gabuar arrestimin e kryetarit të bashkisë së Tiranës, Erion Veliaj.
Rama në një komunikim me qytetarët në rrjetet sociale është shprehur se është kundra ndalimit të Veliajt, por duke shtuar se nuk mund të ndalojë ekzekutimin e vendimit, siç ka ketë ndodhur sipas tij kur qeveria nuk drejtohej nga ai.
Kryeministri gjatë fjalës së tij tha se Partia Socialiste kërkon një drejtësi të pavarur, por ama me standarde evropiane.
“Parafytyroni ju sot sikur unë të ndaloja me dhunë ekzekutimin e urdhrave të ndalimit të SPAK-ut. Jam kundra ndalimit të kryetarit të bashkisë të Tiranës. Është i gabuar, është dispoporcional, i panevojshëm për të vazhduar hetimet dhe për të bërë një gjyq të drejtë, por ama si mund të ndaloj unë ekzekutimin. E pra në këtë vend ka ndodhur nuk ka ndodhur para 100 vitesh dhe këtë ndalim nuk e ka bërë dikush që është në librat e historisë, por dikush që vjen vërdallë përdit, një buf kënete që ulërin do shkrij SPAK-un, do shkrij SPAK-un. Do shkrijë noc rrokun. Por ky është dallimi i madh. Ne duam një drejtësi të pavarur, një drejtësi që të bëjë drejtësi pa parë majtas dhe djathtas por duke parë vetëm drejt, por ama patjetër duam drejtësi evropiane, një drejtësi që të gjitha palët janë të garantuara ku prokurori bën punën e vet dhe gjykatësi rolin e albitrit, jo ortakun e prokurorit. Ku i akuzuari prezumohet i pafajshëm jo me fjalë, por edhe me mënyrën se si i krijohet mundësia gjatë gjithë procesit gjyqësor që të sjelli të vërtetat e veta. Në fund është gjykata që vendos. Kjo është parimore, nuk ka të bëjë me elementet konkrete të çështjes”, u shpreh Kryeministri Rama.
