Është arrestuar një ish-pjesëtar i Policisë së Kosovës i nacionalitetit serb sot në Leposaviq.
Kështu ka konfirmuar për Insajderin zëdhënësi i Policisë për rajonin e veriut, Veton Elshani.
I arrestuari është G.S. të cilin policia e kërkon që nga viti 2021, për “shpërdorim të pozitës zyrtare”, pra marrje ryshfeti.
“Akuza ndaj tij për pranim të ryshfetit dhe keqpërdorim të pozitës zyrtare është ngritur në vitin 2020, por policia me urdhër të Gjykatës në Mitrovicë e ka kërkuar që nga viti 2021”, tha Elshani për Insajderin.
Pas arrestimit, ai është dërguar në stacionin policor në Mitrovicën Jugore.
