Një tjetër natë e madhe për yjet shqiptare të muzikës botërore në evenimentin e ‘MTV Europe Music Awards 2019’.
Në evenimentin e zhvilluar në Sevilla të Spanjës, këngëtarja shqiptare me famë botërore, Ava Max, ka fituar çmimin për ‘depërtimin e vitit’.
25-vjeçarja hyri në këtë ngjarje me dy nominime, atë për artisten e re më të mirë dhe atë për depërtimin e vitit, dhe pikërisht këtë të fundit e fitoi.
Për më shumë, Ava ka shkëlqyer edhe me dukjen e saj duke u përfshirë në listën e bukurosheve të veshura më mirë.
Njëherësh, ajo ishte e ftuar për të qenë edhe një prej performuesve në skenën e ‘MTV EMA 2019’.
