Kryediplomatja gjermane, Annalena Baerbock, ka thënë se është radha e Serbisë që të marrë ndonjë veprim në lidhje me barrikadat e vendosura pasi Kosova ka bërë hapin e saj duke shtyrë zgjedhjet.
Këtë deklaratë Baerbock, e bëri para nisjes së punimeve të Këshillit të ministrave të Punëve të jashtme të Bashkimit Evropian.
“Qeveria e Kosovës ka bërë një veprim ekstra duke shtyrë mbajtjen e zgjedhjeve lokale , që të marrë situatën nën kontroll dhe kjo pikë së pari për të ofruar sigurinë e njerëzve në terren. Nga ana tjetër kjo situatë prej palës serbe është nxehur edhe më shumë, kjo është shumë më shumë sesa papërgjegjësi”.
Sipas kryediplomatës gjermane, në këtë situatë është duke u bërë fjalë për sigurinë e njerëzve, prandaj është përgjegjësi e qeverisë serbe që të veprojë.
“Unë kam një apel urgjent ndaj Serbisë që të bëjë krejt çka ka në dorë që t’i mbrojë njerëzit në rajon. Në politikë bëhet fjalë për sigurinë e njerëzve pra, popullit, prandaj kjo është përgjegjësi e qeverisë serbe”.
Baerbock, përmes një deklarate te dielën paralajmërimet e Serbisë për shqyrtimin e dërgimit të forcave të saj në Kosovë i ka quajtur “krejtësisht të papranueshme”.
Irani ka lëshuar raketa balistike drejt bazave ushtarake amerikane në Kuvajt dhe Bahrejn, pasi Shtetet…
Në rrjetet sociale kanë nisur të qarkullojnë video të prodhuara me inteligjencë artificiale, në stilin…
Izraeli vendosi fshehurazi njësi elitare ushtarake dhe të inteligjencës në Azerbajxhan gjatë luftës me Iranin,…
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…