Rusët dhe serbët kanë qëndruar krah për krah, për shekuj me radhë, në luftën kundër armiqve të përbashkët. Janë fjalët që Presidenti rus Vladimir Putin i shkruan homologut të tij në Serbi, Aleksandër Vuçiç, në një mesazh urimi për 80-vjetorin e çlirimit të Beogradit.
“Është e rëndësishme që traditat e mira të miqësisë vëllazërore, të trashëguara nga paraardhësit tanë, të shërbejnë ende si një bazë e besueshme për zhvillimin e marrëdhënieve të partneritetit strategjik midis Federatës Ruse dhe Republikës së Serbisë”, shkruan ndër të tjera Putin në mesazhin e tij.
Një pritje u zhvillua në Ambasadën e Beogradit në Moskë, ku zëdhënësja e Ministrisë së Jashtme, Maria Zakharova, tha se Rusia dhe Serbia po vazhdojnë të çojnë para veprat e të parëve të vet, ndërsa në vende të tjera të afërmit e nazistëve po ktheheshin në pushtet.
I pranishëm ishte edhe zëvendëskryeministri i Serbisë, Aleksandër Vulin, i cili deklaroi se historia po përsëritej dhe se nazizmi vazhdonte të rishfaqej edhe sot, kur, siç tha, serbëve u ndalohej të ekzistonin në shtetin e tyre.
“E keqja do të kthehet kur Serbisë i kërkohet të njohë Kosovën, kur e gjtihë bota zhytet në histeri antiruse e kur ne na thuhet të vendosim sanksione ndaj Rusisë”, ishin fjalët e Vulinit.
Ish-ambasadori amerikan në Kosovë, Jeff Hovenier, ka deklaruar se administrata e presidentit Donald Trump ka…
Kryeministri Edi Rama ka deklaruar në një intervistë për Euronews se protestat kundër projektit të…
Gjashtë shtetas shqiptarë të shpallur në kërkim ndërkombëtar janë ekstraduar nga Emiratet e Bashkuara Arabe…
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…