Sinjali mëson ekskluzivisht se mëngjesin e sotëm janë zhvilluar bastisje nga Njësia për Krime Ekonomike në Gjakovë, me autorizim të Prokurorisë kompetente.
Burime brenda hetuesisë bëjnë të ditur se në pranga janë ndaluar: Kamer Shabani,drejtor i Qendrës për patentë-shoferë në Gjakovë, Saber Arifaj, pronar i një autoshkolle në qytet dhe Sadri Sutaj, ekzaminer i patentë shoferëve.
Të tre janë duke u intervistuar nën dyshimet për veprime të paligjshme në procesin e pajisjes me patentë shoferë.
Rasti është në fazën e parë të hetimeve dhe pritet të ketë zhvillime të reja gjatë ditës. Sinjali qëndron në terren dhe do t’ju sjellë detaje të reja në kohë reale.
